Մայրը ծեծել է դստերը, ապա իր մյուս երեխաներին ստիպել միզել նրա վրա․ ոստիկանությունը զբաղվում է
Երեկ համացանցում հրապարակվեց տեսանյութ, որում երևում է՝ ինչպես է մայրն իր անչափահաս դստեր նկատմամբ բռնություն կիրառում, նրան հարվածներ հասցնում, մերկացնում, ապա իր մյուս անչափահաս երեխաներին ստիպում միզել քրոջ վրա։
Երեխայի նկատմամբ իրականացված բռնության տեսանյութը լայն տարածում գտավ։ MediaHub.am-ին հայտնի դարձավ, որ թե՛ ՄԻՊ գրասենյակը, թե՛ ոստիկանությունը ակտիվորեն ուսումնասիրում են տեսանյութը՝ մորը նույնականացնելու համար։
«ՄԻՊ գրասենյակում այս պահին ուսումնասիրվում է տեսանյութը, շուտով հաղորդագրություն կտարածենք»,- մեզ հետ զրույցում ասացին ՄԻՊ աշխատակազմից։
ՆԳ նախարարության ոստիկանությունից էլ հայտնեցին, որ տեսանյութին ծանոթ են, այս պահին ուսումնասիրում են այն։
Նարե Գնունի
