Ադրբեջանցի հրամանատարը հեռացվել է աշխատանքից՝ խաղաղապահների փոխհրամանատարի մահվան պատճառով
Լեռնային Ղարաբաղում ռուս խաղաղապահների մահվան մեջ կասկածվողներին բերման են ենթարկել․ այս մասին ՌԻԱ Նովոստիի փոխանցմամբ՝ հայտնել է ՌԴ իրավապահ մարմիններից մեկի հավաստի աղբյուրը։
«Հանցագործության առաջին կասկածյալները բերման են ենթարկվել»,- ասել է նա։
Ադրբեջանի զինված ուժերի կորպուսի հրամանատարը, որի ենթակաները մեղավոր են ռուս զինծառայողների մահվան մեջ, հեռացվել է իր պարտականություններից, հավելել է աղբյուրը։
Հիշեցնենք, որ ԼՂ-ում սպանվել է ռուս խաղաղապահների փոխհրամանատարը։
