Դպրոցականները մեդալների են արժանացել Ինֆորմատիկայի միջազգային 36-րդ օլիմպիադայում (լուսանկարներ)

ՀՀ դպրոցականները 1-ական արծաթե և բրոնզե մեդալների են արժանացել Ինֆորմատիկայի միջազգային 36-րդ օլիմպիադայում, որն անցկացվել է սեպտեմբերի 1-8-ը Եգիպտոսի Ալեքսանդրիա քաղաքում:

Արծաթե մեդալի է արժանացել Քվանտ վարժարան 11-րդ դասարանի աշակերտ Գագիկ Գևորգյանը, իսկ բրոնզե մեդալի՝ Ա. Շահինյանի անվան ֆիզմաթ հատուկ դպրոցի 11-րդ դասարանի սան Ծովակ Եգորյանը:

«Ինֆորմատիկա» առարկայի միջազգային օլիմպիադայով ավարտվել են 2023-2024 ուսումնական տարվա 7 հիմնական բնագիտական առարկաների միջազգային օլիմպիադաները, որոնց մասնակցել է հանրապետության 8 կրթօջախի 29 աշակերտ: ՀՀ դպրոցականներն արժանացել են 1 արծաթե և 18 բրոնզե մեդալների:

ՀՀ կրթության, գիտության, մշակույթի և սպորտի նախարարություն 

Լուսանկարներն այստեղ