Բժիշկը զգուշացրել է հայտնի նախաճաշի պատճառով քաղցկեղի թաքնված ռիսկի մասին
Բժիշկ Իրինա Բարանովան նախազգուշացրել է նրբերշիկների վտանգավորության մասին, որոնք կարող են քաղցկեղ առաջացնել դրանցում առկա քաղցկեղածին նյութերի պատճառով։
Երշիկները, որոնք հաճախ ընտրվում են որպես արագ և հարմար նախաճաշ, կարող են լուրջ վտանգ ներկայացնել առողջությանը, զգուշացրել է սննդաբան, բժշկական գիտությունների թեկնածու Իրինա Բարանովան։ Իր տելեգրամյան ալիքում մասնագետը բացատրել է, որ չնայած իր հանրաճանաչությանը, երշիկները պարունակում են մի շարք նյութեր, որոնք կարող են հանգեցնել քաղցկեղի զարգացման։
Բարանովայի խոսքով՝ երշիկները ներառում են կոնսերվանտներ, կայունացուցիչներ, համը ուժեղացնող նյութեր և նիտրիտներ, որոնք օգտագործվում են պահպանման ժամկետը մեծացնելու և արտադրանքի արտաքին տեսքը բարելավելու համար։ Սակայն այս հավելումները վտանգավոր կողմնակի ազդեցություններ ունեն՝ ջերմային մշակման ժամանակ դրանք կարող են վերածվել քաղցկեղածինների։ Նման մթերքների կանոնավոր օգտագործումը, ըստ մասնագետի, մեծացնում է աղիների ու ստամոքսի քաղցկեղի առաջացման վտանգը։
«Այս ապրանքը իրականում քաղցկեղ է առաջացնում: Բազմաթիվ գիտական հետազոտություններ արդեն հաստատել են դրա կապը տարբեր հիվանդությունների, այդ թվում՝ մարսողական համակարգի ամենալուրջ խնդիրների հետ»,- նշել է բժիշկը։
Նա շեշտել է, որ երշիկեղենը ոչ միայն «արագ սնունդ» է, այլ նաև պոտենցիալ վտանգավոր մթերք, հատկապես երեխաների համար, որոնց առողջության վրա կարող է ազդել նման ապրանքների կանոնավոր օգտագործումը։
Բարանովան խստորեն խորհուրդ է տալիս ընտրել ավելի առողջ նախաճաշի այլընտրանքներ, ինչպիսիք են ձուն, բանջարեղենը, ձավարեղենը և մսամթերքը՝ առանց հավելումների կամ կոնսերվանտների:
Մասնագետի խոսքով՝ սննդի գիտակցված ընտրությունը, հատկապես, երբ խոսքը վերաբերում է մանկական սննդին, որտեղ հատկապես կարևոր է խուսափել վնասակար հավելումներից ու քիմիական նյութեր պարունակող սննդից:
