50 Cent-ի նախկին սիրելին ռեփերին մեղադրում է բռնաբարության համար․ մանրամասներ
Ռեփեր 50 Cent-ի (Քըրթիս Ջեքսոն) նախկին սիրելին՝ մոդել Դաֆնի Ջոյը, մեղադրել է արտիստին բռնաբարության համար։ Այս մասին նա հայտնել է ինստագրամյան իր օգտահաշվում։
«Եկեք կենտրոնանանք ձեր իսկական չար արարքների վրա՝ բռնաբարություն և իմ նկատմամբ ֆիզիկական բռնություն»,- գրել է մոդելը։ Ջոյը նաև քննադատել է երաժշտին որպես հայր՝ ասելով, որ ինքը և իր երեխան հատուկ են մոտիկ տեղափոխվել բնակվելու, որպեսզի որդին ավելի հաճախ տեսնի իր երկրորդ ծնողին։
«Մենք տեղափոխվեցինք Նյու Յորք, որպեսզի քեզ հնարավորություն տանք հայր լինել քո որդու համար, և դու նրան տեսել ես 10 անգամ այն երկու տարվա ընթացքում, որտեղ մենք ապրում էինք մեկ մղոն հեռավորության վրա: Ես հոգնել եմ իմ որդու աչքում քո իմիջը պահպանելուց ու պաշտպանելուց, որին դու նույնիսկ արժանի չէիր։ Դու ընդմիշտ կործանեցիր իմ վերջին հույսը, որ որպես հայր դու կարող ես պահել մեր ընտանիքը»,- ասել է նա։
Այս մեղադրանքներին արձագանքել է արտիստի ներկայացուցիչը։ Հաղորդագրության համաձայն՝ երաժիշտը Ջոյի խոսքերը որակել է սուտ։ Նա նաև նշել է, որ աղջիկն այդպիսով պատասխանում է իրենց ընդհանուր որդու միանձնյա խնամակալությանը հասնելու փորձերին:
Երաժիշտը նաև առաջարկել է, որ մոդելն իրեն ավելի մոտ տեղափոխվի՝ ևս մեկ երեխա ունենալու համար։
