Aurus-ը կսկսի բիզնես դասի մեքենաների նոր շարքի արտադրություն

Ռուսական Aurus ավտոմոբիլային ապրանքանիշը կսկսի բիզնես դասի մեքենաների նոր շարքի արտադրություն՝ ավելի մատչելի գնային սեգմենտով: Ասել է փոխվարչապետ և արդյունաբերության և առևտրի նախարարության ղեկավար Դենիս Մանտուրովը։

Նրա խոսքով՝ վաճառքները նախատեսվում է սկսել 2025 թվականին։

Նախարարը չի հստակեցրել, թե որքան կարժենան մեքենաները։ «Առաջիկայում նախատեսում ենք S դասի մեքենաների շարք գործարկել... Կան և՛ S դասի, և՛ E դասի։ Դրանք կլինեն այլ գնային կատեգորիայում, ավելի մատչելի և ավելի զանգվածային արտադրության»,- ասել է նա ՏԱՍՍ-ին տված հարցազրույցում «Ռոսիա» միջազգային ցուցահանդեսի և ֆորումի ժամանակ։

Մանտուրովը հավելել է, որ ապագայում շարքին կարող է ավելանալ ամենագնաց։ «Կարծում եմ, որ հետաքրքիր և հեղինակավոր կլինի հաջորդ գծի Aurus մակնիշի ավտոմեքենաներ գնելը»,- համոզված է արդյունաբերության և առևտրի նախարարության ղեկավարը։

Շքեղ Aurus շարքի առաջին մոդելը Senat սեդանն էր, դրա արտադրությունը սկսվել է 2021 թվականի մայիսին, արժե 36,5 միլիոն ռուբլի (մոտ 400 հազար դոլար): Երկրորդ մոդելը Komendant ամենագնացն էր, որի գինը 33,7 միլիոն ռուբլի է (մոտ 370 հազար դոլար), արտադրությունը սկսվել է 2022 թվականի նոյեմբերին։