Մակրոնը Թրամփի հետ հանդիպումից առաջ դիմել է Պուտինին

Ֆրանսիայի նախագահ Էմանուել Մակրոնը հեռախոսազրույց է ունեցել ԱՄՆ նախագահ Դոնալդ Թրամփի հետ, որից հետո պահանջել է, որ Ռուսաստանի առաջնորդ Վլադիմիր Պուտինը համաձայնվի Ուկրաինայում անվերապահ հրադադարի։ Հրապարակումը հայտնվել է նրա X սոցիալական ցանցի էջում։

Նրա խոսքով՝ ԱՄՆ նախագահի հետ այսօրվա զրույցի ժամանակ Վլադիմիր Պուտինը պետք է ցույց տա, որ «խաղաղություն է ուզում՝ ընդունելով նախագահ Թրամփի կողմից առաջարկված և Ուկրաինայի ու Եվրոպայի կողմից աջակցվող 30-օրյա անվերապահ հրադադարը»։

Մայիսի 17-ին Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Պուտինի և Թրամփի միջև հեռախոսազրույց կկայանա։ Այս կերպ նա մեկնաբանել է Թրամփի հայտարարությունը մայիսի 19-ին Պուտինին զանգահարելու ծրագրերի մասին՝ Ուկրաինայի շուրջ ստեղծված իրավիճակը, ինչպես նաև առևտրային հարցերը քննարկելու համար։