S7 ինքնաթիռը թռիչքից հետո վերադարձել է Նովոսիբիրսկ

S7 Airlines (Սիբիր) ավիափոխադրողի ինքնաթիռը տեխնիկական անսարքության պատճառով վերադարձել է Նովոսիբիրսկ. ասվում է Արեւմտյան Սիբիրյան տրանսպորտի դատախազության հաղորդագրության մեջ։

S7 ավիաընկերության ինքնաթիռը, որը Նովոսիբիրսկից Մոսկվա էր մեկնում, հարկադիր վայրէջք է կատարել Տոլմաչևոյում։ Թռիչքից անմիջապես հետո երկու շարժիչներն էլ բռնկվել են։

Ինքնաթիռում եղել է 176 ուղեւոր, որոնք բոլորն էլ կարողացել են ինքնուրույն իջնել։

Նովոսիբիրսկի տրանսպորտային դատախազությունը նախաձեռնել է թռիչքների անվտանգության օրենսդրության կատարման աուդիտ։ Բացի այդ, գործակալությունը վերահսկում է ինքնաթիռի ուշացման պատճառով ծառայություններ ստանալու ուղևորների իրավունքների պահպանումը։ 

Տեսանյութը՝ այստեղ