Արարատ Վարդերեսյանը ևս կիսաեզրափակչում է. Ըմբշամարտի Մ17 ԱԱ

Հռոմում ընթացող հունահռոմեական ոճի ըմբշամարտի Մ17 աշխարհի առաջնությունում 71 կգ քաշային Արարատ Վարդերեսյանը իր երրորդ հաղթանակը տոնեց: Նա ժամանակից շուտ 10-1 հաշվով հաղթեց ճապոնացի Նաոկի Կադոդեին և դուրս եկավ կիսաեզրափակիչ, որտեղ կմրցի ադրբեջանցի Դավուդ Մամադովի հետ:

Նախորդ գոտեմարտում Արարատը 6-0 հաշվով առավելության էր հասել ֆինն մարզիկ Միրո Լեյնոնենի նկատմամբ, իսկ առաջին գոտեմարտում բացահայտ առավելությամբ և ժամանակից շուտ 12-3 հաշվով հաղթել էր իրանցի ըմբիշ Մոհամմադ Սաֆարալի Մորադիին: