iPhone 16 սերիայի սմարթֆոնները նոր կոճակ կունենան
iPhone 16 սերիայի սմարթֆոնները կունենան նոր կոճակ։ Գրել է Bloomberg-ը։
Ինսայդեր Մարկ Գուրմանի խոսքով՝ կոճակը տեղադրվելու է սարքի աջ կողմում։ Apple սմարթֆոնների ամերիկյան տարբերակներում այս վայրում կա mmWave ալեհավաք, որը կտեղափոխվի ձախ կողմ։ Նոր տարրը մասնագետը պայմանականորեն անվանել է «Capture Button»:
Գուրմանը բացատրել է, որ կոճակ սեղմելով՝ կարելի է արագ լուսանկարել կամ տեսագրել։ Սա կլինի հպումային, այլ ոչ թե մեխանիկական կոճակ, որը թույլ կտա զգալ ճնշումը և ակտիվացնել անհատական հրամանները:
Մասնագետը խոստացել է, որ Capture Button-ը կհայտնվի iPhone 16 սերիայի բոլոր սմարթֆոններում։
Հեղինակը հիշեցրել է, որ iPhone 15 Pro-ն ու 15 Pro Max-ն ունեն Action Button, որը փոխարինել է լուռ ռեժիմի կոճակին։ Այս տարրը կարող է հարմարեցվել՝ նշանակելով գործառույթներից մեկը:
