Բժիշկը բացատրել է, թե որ ըմպելիքները կարող են տղամարդկանց մոտ ճաղատություն առաջացնել
Մազերի փոխպատվաստման թուրք մասնագետ Աբդուլազիզ Բալվիի խոսքով՝ էներգետիկ ըմպելիքների չափից ավելի օգտագործումը կարող է տղամարդկանց մոտ մազաթափության պատճառ դառնալ։ Այս մասին հայտնում է Daily Mail-ը։
Բժիշկը բացատրել է, որ շատ էներգետիկ ըմպելիքներ պարունակում են վիտամիններ և հանքանյութեր, որոնք կարևոր են մազերի նորմալ աճի համար։ Այնուամենայնիվ, ըմպելիքների մեծամասնությունը պարունակում է այս սննդանյութերը չափից ավելի:
Բալվին պարզաբանել է, որ վիտամին A-ն և բարձր չափաբաժիններով սելենը թունավոր են մազերի և ամբողջ օրգանիզմի համար։ Որոշ հայտնի ըմպելիքներ կարող են պարունակել այս նյութերի օրական առաջարկվող ընդունման ավելի քան 100%-ը: Օրգանիզմում այս նյութերի բարձր մակարդակը կարող է առաջացնել ալոպեկիա՝ մի հիվանդություն, որի ժամանակ իմունային համակարգը սխալմամբ ոչնչացնում է մազի բջիջները՝ հանգեցնելով գլխի վրա ճաղատության բծերի:
