Ամերիկյան կողմից կրկին հայտարարել են՝ աջակցում են տարածաշրջանում խաղաղության գործընթացին
Ամերիկյան կողմից կրկին հայտարարել են՝ հաստատակամորեն աջակցում են տարածաշրջանում խաղաղության գործընթացին․
«ԱՄՆ Միջազգային զարգացման գործակալության ղեկավար Փաուերը հանդիպել է Ազգային անվտանգության խորհրդի քարտուղար Արմեն Գրիգորյանի հետ:
Զրույցի ընթացքում ԱՄՆ ՄԶԳ ղեկավար Փաուերը հայտնել է, որ ԱՄՆ կառավարությունը սատարում է ՀՀ վարչապետ Փաշինյանի «Խաղաղության խաչմերուկ» նախաձեռնությանը, որը ներկայացնում է տարածաշրջանում խաղաղության և կայունության ամբիցիոզ տեսլական՝ տնտեսական, քաղաքական և մշակութային կապերի ընդլայնման միջոցով, և սկզբնական փուլում ընդգծելով տրանսպորտային կապերը»,- նշվում է հաղորդագրության մեջ։
