«Նա այս թիմի սիրտն ու հոգին է»․ Կլոպն արձագանքել է Ֆիրմինուի՝ «Լիվերպուլից» հեռանալու մասին լուրերին

«Լիվերպուլի» գլխավոր մարզիչ Յուրգեն Կլոպը հայտարարել է, որ թիմի կարևոր մասն է համարում հարձակվող Ռոբերտո Ֆիրմինուին։

«Ֆիրմինուն մեզ համար կարևոր է, նա այս թիմի սիրտն ու հոգին է: Ամեն ինչ իսկապես լավ է: Նա կարևոր է մեզ համար», - Կլոպի խոսքերն է մեջբերում Liverpool Echo-ն։

Ավելի վաղ հաղորդվում էր, որ 30-ամյա բրազիլացին կարող է կարիերան շարունակել «Յուվենտուսում»։

Հիշեցնենք, որ նա «Լիվերպուլում» հանդես է գալիս 2015 թվականից՝ տեղափոխվելով «Հոֆենհայմից»: Ֆիրմինուի պայմանագիրն անգլիական ակումբի հետ ավարտվում է մեկ տարուց։ Հեղինակավոր Transfermarkt պորտալի տվյալներով՝ ֆուտբոլիստի տրանսֆերային արժեքը կազմում է 32 մլն եվրո։