«Արարատ-Արմենիան» հաղթել է վրացական «Տորպեդո Քութաիսիին»

Ֆուտբոլի Հայաստանի փոխչեմպիոն «Արարատ-Արմենիան» պատրաստվում է Կոնֆերենցիաների լիգայի որակավորման երկրորդ փուլին։

Երեւանյան թիմը ստուգողական հանդիպում է անցկացրել վրացական «Տորպեդո Քութաիսիի» հետ եւ առավելության է հասել 2:0 հաշվով։ Դուբլի հեղինակ է դարձել պորտուգալացի հարձակվող Ուգո Ֆիրմինոն։

Կոնֆերենցիաների լիգայի որակավորման երկրորդ փուլի առաջին խաղը «Արարատ-Արմենիան» կանցկացնի հուլիսի 21-ին Ավանի Ֆուտբոլային ակադեմիայի մարազադաշտում։

Մրցակիցը կլինի որակավորման առաջին փուլում հանդես եկող վրացական «Դինամո Թբիլիսի» - էստոնական «Պայդե» զույգի հաղթողը։ Առաջին խաղում 3:2 հաշվով հաղթել է «Պայդեն»։ Պատասխան հանդիպումը Էստոնիայում տեղի կունենա հուլիսի 14-ին։