COVID-19-ից հետո մարդկանց մոտ կարո՞ղ է ալերգիա առաջանալ․ ի՞նչ են պարզել գիտնականները
Հարավային Կորեայի Կյունգ Հի համալսարանի բժշկական քոլեջի գիտնականները պարզել են, որ SARS-CoV-2-ով վարակված մարդկանց մոտ միջինը 20%-ով ավելի բարձր է ալերգիկ հիվանդությունների դեպքերը, քան նրանք, ովքեր վարակված չեն: Հետազոտության արդյունքները հրապարակվել են Nature Communications (Nat Com) գիտական ամսագրում։
Հետազոտությանը մասնակցել է ավելի քան 22 միլիոն մարդ Հարավային Կորեայից, Ճապոնիայից և Մեծ Բրիտանիայից: Նշվում է, որ 150 հազար կամավորներ Հարավային Կորեայից, 542 հազար սուբյեկտներ Ճապոնիայից և 77 հազար բրիտանացի մասնակիցներ նախկինում վարակվել են կորոնավիրուսով (SARS-CoV-2): Գիտնականները տեղեկություններ են հավաքել կամավորների առողջության մասին և գնահատել նրանց մոտ ալերգիկ ռեակցիաների հաճախականությունը։
Արդյունքները ցույց են տվել, որ COVID-19-ից ապաքինված մարդկանց մոտ ալերգիկ հիվանդությունների դեպքերը 20%-ով ավելի բարձր է եղել՝ համեմատած այն մասնակիցների հետ, ովքեր նախկինում վարակված չեն եղել: Ալերգիկ հիվանդությունները վերաբերում են մի շարք պայմանների, որոնք առաջանում են իմունային համակարգի գերզգայունությամբ շրջակա միջավայրի սովորաբար անվնաս նյութերի նկատմամբ: Այս հիվանդությունները ներառում են խոտի նկատմամբ, սննդային ալերգիան, ատոպիկ դերմատիտը, ալերգիկ ասթման և անաֆիլաքսիան:
Նշվում է, որ COVID-19-ից հետո ալերգիկ ասթմայի զարգացման հավանականությունը կրկնապատկվել է, իսկ ալերգիկ ռինիտը՝ 25%-ով։ Այնուամենայնիվ, մասնակիցների շրջանում սննդային ալերգիայի կամ ատոպիկ դերմատիտի դեպքերի զգալի աճ չի գրանցվել: Գիտնականները նաև ավելացրել են, որ միջինից մինչև ծանր COVID-19-ը կապված է ընդհանուր ալերգիայի ռիսկի 50%-ով բարձրացման հետ՝ համեմատած թեթև հիվանդություն ունեցողների մոտ 14%-ի հետ:
