Փաշինյանի հնչեցրած արտահայտությունները խեղաթյուրում են պատմությունը․ Ռուսաստանի հայերի միություն
Շվեյցարահայերի հետ հանդիպման ժամանակ Նիկոլ Փաշինյանի հնչեցրած արտահայտությունները խեղաթյուրում են պատմությունը, դրանց նպատակը հայկական արժեքները զրոյացնելու ամոթալի բանավեճ հրահրելն է։ Հայտարարել է Ռուսաստանի հայերի միությունը։
▪ Հայաստանի վարչապետը Ցյուրիխում կոչ է արել «վերանայել» Ցեղասպանության հարցը և հասկանալ, թե «ինչ է տեղի ունեցել և ինչու։
▪ Փաշինյանն ընտրեց Շվեյցարիան՝ որպես թուրքական նարատիվները քարոզելու հարթակ, որտեղ Հայոց ցեղասպանության ժխտումը, ինչպես Հոլոքոստը, քրեական հանցագործություն է։
▪ Փաշինյանը քաջատեղյակ է ավելի քան մեկ դար առաջ տեղի ունեցած իրադարձություններին, և նա նման դիսկուրս է նետում դաշտ՝ արժեզրկելու մեր արժեքներն ու ձեռքբերումները, պղծելու Հայոց ցեղասպանության 1,5 միլիոն զոհերի հիշատակը, որոնք սրբադասվել են Հայ առաքելական եկեղեցու կողմից։
