Կիլիան Մբապեն ավարտին է հասցնում Մադրիդի «Ռեալ» տեղափոխվելու մանրամասները
«Պարի Սեն Ժերմենի» և Ֆրանսիայի հավաքականի հարձակվող Կիլիան Մբապեն այժմ ավարտում է Մադրիդի «Ռեալ» տեղափոխվելու մանրամասները։ Այս մասին իր սոցցանցային էջերում գրել է իտալացի լրագրող Ֆաբրիցիո Ռոմանոն։
Ըստ նրա՝ Մբապեն հունվարից ունի Մադրիդի «Ռեալի» պաշտոնական պայմանագրի առաջարկը, վերջնական մանրամասները ճշտվում են:
Կիլիանի և որևէ այլ ակումբի միջև բանակցություններ չեն ընթանում, քանի որ ամբողջ ուշադրությունը կենտրոնացած է Մադրիդի «Ռեալ» տեղափոխվելու վրա:
«Մբապեն կստանա ահռելի վարձատրություն, սակայն նրա ֆիքսված աշխատավարձը նման կլինի այնպիսի աստղերի, ինչպիսիք են Վինին և Բելինգհեմը»,- ընդգծել է ինսայդերը։
