Ավստրալիան Ռուսաստանի դեմ պատժամիջոցների ամենամեծ փաթեթն է կիրառել 2022 թվականից ի վեր
Ավստրալիան 2022 թվականից ի վեր սահմանել է Ռուսաստանի դեմ պատժամիջոցների իր ամենամեծ փաթեթը՝ ուղղված 70 անձի և 79 կազմակերպությունների դեմ, ասվում է երկրի պաշտպանության նախարարության կայքում տեղադրված հաղորդագրության մեջ։
«Այսօր Ավստրալիայի կառավարությունը լրացուցիչ նպատակային ֆինանսական պատժամիջոցներ և ճամփորդական արգելքներ է սահմանել 70 ֆիզիկական անձանց նկատմամբ, ինչպես նաև նպատակային ֆինանսական պատժամիջոցներ 79 կազմակերպությունների նկատմամբ: Սա Ավստրալիայի ամենամեծ պատժամիջոցների փաթեթն է 2022 թվականի փետրվարից ի վեր», - ասվում է պաշտպանության նախարարության կայքում:
Նշվում է, որ պատժամիջոցները, ի թիվս այլ բաների, ուղղված են Ռուսաստանի նոր շրջանների, այդ թվում՝ նախարարների, դատավորների և դատախազների վարչակազմի դեմ։
«Պատժամիջոցներն ուղղված են նաև Ռուսաստանի և Հյուսիսային Կորեայի միջև ռազմական համագործակցության խորացմանը մասնակցող անձանց և կազմակերպությունների դեմ», - ասվում է հաղորդագրությունում։
Ավելին, պատժամիջոցներ են սահմանվել Ռուսաստանի պաշտպանության, տրանսպորտի և ֆինանսական ոլորտների ֆիզիկական անձանց, ինչպես նաև «Ուկրաինային և ամբողջ աշխարհի կառավարություններին խարխլելուն ուղղված ապատեղեկատվություն տարածողների նկատմամբ»։
«Այսօր մենք էլ ավելի խստացրեցինք Ռուսաստանի նկատմամբ առևտրային սահմանափակումները՝ արգելելով առևտրային անօդաչու թռչող սարքերի և բաղադրիչների մատակարարումը, ներառյալ հարակից ծառայությունների մատուցումը», - ասվում է հայտարարության մեջ:
Ավստրալիան ներկայումս ավելի քան 1400 պատժամիջոցներ ունի Ռուսաստանի դեմ։
