Մեսսին խոսել է Նեյմարի մասին
«Ինտեր Մայամիի» աստղ Լիոնել Մեսսին ասել է, որ իր համար «դժվար» կլինի կրկին հանդես գալ Նեյմարի հետ։
Երկու ֆուտբոլիստներն առաջին անգամ միասին խաղացել են «Բարսելոնայում», մինչ Նեյմարը 2017 թվականին տեղափոխվել է «Պարի Սեն Ժերմեն»:
Այնուհետև բրազիլացին տեղափոխվել է «Ալ Հիլալ»:
Վերջերս խոսակցություններ են պտտվում այն մասին, որ նրանք կարող են կրկին միասին խաղալ այս անգամ MLS-ում, հատկապես այն բանից հետո, երբ Լուիս Սաուրեսը տեղափոխվել էր «Ինտեր Մայամի»:
Բայց Մեսսին ասել է. «Մենք հաճախ ենք խոսում: Մենք նույնիսկ խմբային չատում զրուցում ենք երեքով, ներառյալ Լուիսը: Նեյը հիանալի խոսում է իսպաներեն»:
«Փոքրիկ հաղորդագրությո՞ւն նրան [«Ինտեր Մայամի»] հավաքագրելու համար: Ոչ, ես չգիտեմ: Ճշմարտությունն այն է, որ հիմա դժվար է»:
«Նա Սաուդյան Արաբիայում է, և ես կարծում եմ, որ նրա պայմանագրի ավարտին մնացել է մեկ տարի: Նա ծանր տարի անցկացրեց, որտեղ երկար ժամանակով վնասվածք ստացավ։ Այնպես որ, հիմա դժվար է»,- ընդգծել է Աշխարհի չեմպիոնը։
«Դրանից հետո ես չգիտեմ. Կյանքն այնքան շրջադարձ է կատարում, որ ամեն ինչ կարող է պատահել, բայց ես կարծում եմ, որ առայժմ ոչ»,- հավելել է Մեսսին։
