ԱՄՆ-ի եւ Չինաստանի պաշտպանության նախարարները հանդիպել են առաջին անձնական բանակցությունների համար

ԱՄՆ-ի եւ Չինաստանի պաշտպանության նախարարները ուրբաթ օրը հանդիպել են նախագահ Ջո Բայդենի պաշտոնավարումից հետո առաջին անձնական բանակցությունների համար՝ փորձելով երաշխավորել, որ երկու երկրների միջեւ ավելի լայն լարվածությունը չի վերաճի ռազմական միջադեպերի, հայտարարել են պաշտոնատար անձինք:

ԱՄՆ պաշտպանության նախարար Լլոյդ Օսթինը եւ Չինաստանի ազգային պաշտպանության նախարար գեներալ Վեյ Ֆենհեն հանդիպել են Սինգապուրում՝ «Շանգրի-Լա երկխոսության»՝ Ասիայի անվտանգության բարձրագույն հանդիպման շրջանակներում: Նախկինում նրանք հեռախոսով խոսել են ապրիլին։

Հանդիպումից առաջ ԱՄՆ բարձրաստիճան պաշտոնյան ասել է, որ ուշադրության կենտրոնում են լինելու երկու երկրների միջեւ լարված հարաբերություններում արգելքներ ստեղծելու փորձերը. հաղորդում է CNN-ը:

«Մենք քրտնաջան աշխատում ենք, որպեսզի այս հանդիպումը դառնա պրոֆեսիոնալ, առարկայական, եւ մենք պատրաստվում ենք խոսել մի քանի շատ լուրջ հարցերի մասին»,- ասել է պաշտոնյան:

Չինական ԶԼՄ-ները նաեւ հայտնել են, որ Պեկինը հանդիպումն օգտագործում է ԱՄՆ-ի հետ համագործակցությունը քննարկելու համար։