Սլովակիան հրաժարվում է մասնակցել Ուկրաինայում որևէ ռազմական առաքելության
Սլովակիան հրաժարվում է մասնակցել Ուկրաինայում որևէ ռազմական առաքելության և միջոցներ հատկացնել Կիեւին զենք գնելու համար։ Այս մասին հայտարարել է երկրի վարչապետ Ռոբերտ Ֆիցոն։
Սլովակիայի կառավարության ղեկավարն ամփոփել է ԵՄ դեսպանների հետ հանդիպումն իր ֆեյսբուքյան էջում.
«Սլովակիան չի մասնակցի ոչ մի ռազմական առաքելության Ուկրաինայում և ոչ մի ցենտ ռազմական օգնություն չի տրամադրի Ուկրաինային»,- գրել է Ֆիցոն։
Նա հավելել է, որ անհրաժեշտ է երկու երկրների նախարարների կաբինետների ևս մեկ համատեղ նիստ անցկացնել։ Սլովակիան և Ուկրաինան կարող են քննարկել նոր փոխշահավետ նախագծեր կառավարության մակարդակով։
