Ի պաշտպանությունն Ստամբուլի քաղաքապետի հանրահավաքը շարունակվում է, բազմաթիվ ոստիկաններ կան տեղում
Ստամբուլի Սարաչխանե զբոսայգում ի պաշտպանություն ձերբակալված Ստամբուլի քաղաքապետ Էքրեմ Իմամօղլուիանցկացվող բողոքի ցույցում իրավիճակը հանգիստ է, մարդիկ հավաքվում են, տեսանելի են բազմաթիվ ոստիկաններ, հայտնում է РИА Новости-ի թղթակիցը։
Ավելի վաղ Թուրքիայի գլխավոր ընդդիմադիր Ժողովրդահանրապետական կուսակցությունը հերթական բողոքի ակցիայի կոչ էր արել։
Ցուցարարները շրջում են թուրքական դրոշներով, երկրի առաջին նախագահ Մուստաֆա Քեմալ Աթաթուրքի պատկերներով և տարբեր կարգախոսներով պաստառներով, վանկարկումներով և վառվող բռնկիչներով։ Պողոտայի սկզբնամասում գտնվող ջրատարի կամարների տակ տեղակայված զրահամեքենաներով ոստիկանները փակել են դեպի Աթաթուրքի պողոտա տանող անցումը։
Չորեքշաբթի օրը Ստամբուլի գլխավոր դատախազությունը հայտարարել է, որ Իմամօղլուն ձերբակալվել է կոռուպցիայի, կաշառակերության և ահաբեկչական գործունեությանը նպաստող կազմակերպության հետ կապված գործով։ Ինքը՝ ընդդիմադիր քաղաքական գործիչը, հայտարարել է, որ իշխանությունների ճնշման տակ «դուրս տալու մտադրություն չունի»։ Ստամբուլի քաղաքապետի ձերբակալությունը զանգվածային բողոքի ցույցեր է առաջացրել, չնայած իշխանությունները ուժեղացրել են մի շարք կենտրոնական փողոցների անվտանգությունը և մինչև կիրակի արգելել են քաղաքում ցանկացած հանրահավաք կամ ցույց:
