Սերժ Սարգսյանը հետևել է Ստեփան Ավագյանի հիշատակին նվիրված մրցաշարի 6-րդ խաղափուլի ընթացքին

Հայաստանի շախմատի Ֆեդերացիայի նախագահ Սերժ Սարգսյանը, նախագահի առաջին տեղակալ Սմբատ Լպուտյանը և նորանշանակ գործադիր տնօրեն Արմեն Գևորգյանը այսօր հետևելու էին եկել Ստեփան Ավագյանի հիշատակին նվիրված մրցաշարի 6-րդ խաղափուլի ընթացքին։ Այդ մասին տեղեկանում ենք Հայաստանի Շախմատի ֆեդերացիայից։ 

Նշվում է, որ մայիսի 2-ից 12-ը ընթացող մրցաշարին մասնակցում են շախմատում արդեն իսկ մեծ հաջողություններ գրանցած շախմատիստներ արտերկրից և Հայաստանից։

Դե իսկ 6-րդ խաղափուլի ընթացքում գրանցվեցին հետևյալ արդյունքները՝

Արթուր Դավթյանը հաղթեց Թայ Դայ Վանի Նգույենին, իսկ Նոդիրբեկ Յակուբբոյեվը՝ Ս.Լ. Նարայանանին:

Մնացած պարտիաներում գրանցվեց ոչ-ոքի արդյունք՝

Անդրեյ Եսիպենկո - Ռոբերտ Հովհաննիսյան

Ամին Տաբատաբայ - Ֆրեդերիկ Սվանե

Սամուել Սեվիան - Հայկ Մարտիրոսյան