Լիոնելի այստեղ գալուց հետո տանս գինը 25 մլն դոլարով թանկացել է. Մեսսիի հարևան

Ամերիկյան «Ինտեր Մայամիի» և Արգենտինայի հավաքականի հարձակվող Լիոնել Մեսսիի հարևան Պատրիկ Բեթ-Դեյվիդը պատմել է, որ այն բանից հետո, երբ ֆուտբոլիստը կալվածք է գնել առողջարանային Ֆորտ Լոդերդեյլ քաղաքի ափին, նրա սեփական տան արժեքը աճել է 25 միլիոն դոլարով (22 միլիոն եվրո):

«Ես իմ տունը գնել եմ 20 միլիոն դոլարով (18 միլիոն եվրո), իսկ Մեսսիի գալուց հետո այն դարձավ 45 միլիոն դոլար (40 միլիոն եվրո): Այսպիսով, ես ավելացրեցի իմ կապիտալը 25 միլիոն դոլարով (22 միլիոն եվրո):

Մեսսին տեղափոխվել է այս տարածք, և այժմ բոլորը ցանկանում են ապրել այստեղ։ Սա պարսպապատ տարածք է մեկ մուտքով։ Սա շատ ապահով տարածք է։ Այժմ, երբ Մեսսին այստեղ է, մարդիկ նավակներով գալիս են այստեղ՝ նրան տեսնելու ակնկալիքով»,-հարևանի խոսքերն է մեջբերում Mundo Deportivo-n, փոխանցում է Armsport.am-ը։