ԱՀԿ-ն բանակցություններ է վարում ԱՄՆ-հետ Վաշինգտոնի՝ կազմակերպություն վերադառնալու վերաբերյալ
Առողջապահության համաշխարհային կազմակերպությունը (ԱՀԿ) և ԱՄՆ-ը կառուցողական բանակցություններ են վարում երկրի՝ կազմակերպություն վերադառնալու շուրջ։ Այս մասին ՏԱՍՍ-ին տված հարցազրույցում ասել է ԱՀԿ-ի՝ Մոսկվայի գրասենյակի ղեկավար Բատիր Բերդիկլիչեւը։
«Մենք, իհարկե, բանակցություններ ենք վարում Միացյալ Նահանգների հետ, ես սա չէի անվանի ինչ-որ հետին պլանային սակարկություն, սա բավականին անկեղծ և կառուցողական երկխոսություն է»,- ասել է Բերդիկլիչեւը՝ պատասխանելով գործակալության հարցին։
Մոսկովյան կազմակերպության գրասենյակի ղեկավարը հավելել է, որ ԱՀԿ-ն հուսով է, որ Վաշինգտոնը կվերանայի իր դիրքորոշումը, «քանի որ այստեղ հարցը ոչ միայն ֆինանսական աջակցության, այլ նաև երկրի փորձագիտական ներուժի մասին է»։
