Որքան գումար կծախսի կառավարությունը պաշտոնաթող վարչապետին պահելու համար․ «Իրավունք»

«Իրավունք» թերթը գրում է․ «Կառավարությունը երեկվա նիստում հաստատեց պաշտոնաթող վարչապետի գրասենյակի գործունեության ֆինանսավորման կարգը: Այսպիսով` պաշտոնաթող վարչապետի գրասենյակի աշխատակիցներին նախատեսվում է վճարել ամսական 507.520 դրամ, 407.680 դրամ եւ 274.560 դրամ աշխատավարձ:

Գրասենյակն ունենալու է 3 աշխատակից, այսինքն` աշխատավարձի տարեկան ֆոնդը կազմելու է 14,8 մլն դրամ` չհաշված պաշտոնաթող վարչապետի կոնսաթոշակը` վարչապետի գործող աշխատավարձի 70 տոկոսի չափով եւ գրասենյակի ընթացիկ գործունեության հետ կապված ծառայությունների ու ապրանքների ձեռքբերման համար անհրաժեշտ գումարը, որի հաշվարկը ներկա փուլում, ըստ գործադիրի, հնարավոր չէ իրականացնել: Փոխարենը` հաշվարկվել է, որ գրասենյակի համար վարձակալվող տարածքի տարեկան վարձավճարը պետական բյուջեի համար կարժենա տարեկան 2 մլն դրամ»:

Առավել մանրամասն՝ թերթի այսօրվա համարում։