Իտալիայում բողոքող ֆերմերները կաթով հեղեղել են Կամպանիայի վարչական շենքը
Իտալացի ֆերմերները հարյուրից ավելի տրակտորներով շրջել են Նեապոլի կենտրոնով, ընդդիմանալով տարածաշրջանի իշխանությունների՝ բրուցելոզի և խոշոր եղջերավոր անասունների տուբերկուլյոզի դեմ պայքարի ծրագրին, որը ենթադրում է վարակված կենդանիների վերացում, հայտնում են իտալական լրատվամիջոցները։
Գոմեշաբույծները պնդում են, որ 10 տարվա ընթացքում ոչնչացվել է մոտ 100 հազար գլուխ խոշոր եղջերավոր անասուն, որոնք փորձարկումներից հետո պարզվել է, որ առողջ կենդանիներ են։ Արդյունքում այս ընթացքում փակվել է մոտ 300 փոքր ձեռնարկություն։
Ի պատասխան՝ ֆերմերներն առաջարկում են ուժեղացնել պատվաստումների քարոզարշավը և վարակների կանխարգելման միջոցառումները։
Ի նշան բողոքի՝ հինգշաբթի օրը արտադրողները տրակտորներովակցիա են անցկացրել Կամպանիայի վարչական շենքի տարաշքում, որտեղ գոմեշի կաթը լցրել են դագաղի վրա, որը խորհրդանշել է արդյունաբերության դանդաղ մահը: Թափվել է ավելի քան 350 լիտր կաթ։