Վրաստանի վարչապետն ու «Վրացական երազանք»-ի գործադիր քարտուղարը շնորհավորել են Դոնալդ Թրամփին
Վրաստանի վարչապետ Իրակլի Կոբախիձեն շնորհավորել է Դոնալդ Թրամփին ԱՄՆ նախագահական ընտրություններում հաղթանակի կապակցությամբ
«Վստահ եմ, որ նախագահ Թրամփի ղեկավարությունը կնպաստի գլոբալ առումով ու մեր նաև տարածաշրջանում խաղաղության հաստատմանը, ինչպես նաև կապահովի վրաց-ամերիկյան հարաբերությունների վերականգնումը», - գրել է Իրակլի Կոբախիձեն X սոցիալական ցանցում։
«Մենք շատ ուրախ ենք, որ ԱՄՆ-ում հաղթում են խաղաղությունը և ավանդական արժեքները»,- Թրամփի հաղթանակի մասին ասել է իշխող «Վրացական երազանք» կուսակցության գործադիր քարտուղար Մամուկա Մդինարաձեն, հայտնել են վրացական լրատվամիջոցները։
