Սվենյա Շուլցեն երկօրյա այցով կժամանի Հայաստան

Գերմանիայի տնտեսական համագործակցության և զարգացման դաշնային նախարար Սվենյա Շուլցեն հունիսի 30-ին երկօրյա այցով կժամանի Հայաստան:

Էկոնոմիկայի նխարարությունից հայտնում են, որ հուլիսի 1-ին նա կհանդիպի ՀՀ վարչապետ Նիկոլ Փաշինյանի հետ, որից հետո  ՀՀ կառավարության շենքի մամուլի կենտրոնում, ժամը 16։50-ին տեղի կունենա ՀՀ էկոնոմիկայի նախարար Վահան Քերոբյանի և Գերմանիայի տնտեսական համագործակցության և զարգացման դաշնային նախարար Սվենյա Շուլցեի մամուլի ասուլիսը։