Բժիշկը զգուշացրել է հակաառիթմիկ դեղամիջոցներ ընդունելու վտանգների մասին
Հակաառիթմիկ դեղամիջոցների ընդունումը որպես կողմնակի ազդեցություն կարող է առաջացնել դեպրեսիա: «Գազետա»-ին տված հարցազրույցում ասել է հոգեբույժ և հոգեթերապևտ Պատիմատ Յախյաեւան։
«Առաջին զեկույցները դեպրեսիայի և հակաառիթմիկ դեղամիջոցների միջև կապի մասին հայտնվեցին 1967 թվականին: Այնուհետև հետազոտություն է անցկացվել. պրոպրանոլոլ ընդունած 89 հիվանդների մեջ գրեթե յուրաքանչյուր երրորդը (27 մարդ) սկսել է տառապել դեպրեսիայից, իսկ երկուսն ինքնասպան են եղել»,- բացատրել է բժիշկը։
Նրա խոսքով՝ ի հայտ է եկել նաև տեսություն նման դեղամիջոցների բարձր լիպոֆիլության (ճարպերի մեջ լուծվելու ունակության) մասին։
Մասնագետը մատնանշել է դեպրեսիայի և բետա-բլոկլերների միջև կապի առկայությունը, որոնց կողմնակի ազդեցությունները սովորաբար ներառում են թուլություն, հոգնածություն և մղձավանջներ։
«Ի դեպ, այս բոլոր տհաճ ախտանիշներն ավելի քիչ բնորոշ են ջրում լուծվող բետա-բլոկլերներին, քանի որ դրանք ավելի վատ են թափանցում արյունաուղեղային պատնեշով։ Իմ պրակտիկայում ես չեմ հանդիպել այնպիսի օրինակների, երբ դեպրեսիան առաջացել է հակաառիթմիկ դեղամիջոցներ ընդունելիս»,- պարզաբանել է Յախյաեւան:
