Սովորություններ որոնք ոչնչացնում են ձեր լյարդը
Թերապևտ Տատյանա Ռոմանենկոն պատասխանել է այն հարցին, թե ինչ սովորություններ կարող են վնասել լյարդին. նրա մեկնաբանությունը մեջբերում է Մոսկվա 24-ը։
Մասնագետի խոսքով` վատ սնվելը բացասաբար է անդրադառնում օրգանի աշխատանքի վրա. Մասնավորապես, վտանգավոր է համարվում յուղոտ ու տապակած մթերքների չարաշահումը։ Դա կարող է հանգեցնել աղեստամոքսային տրակտի խնդիրների և ավելորդ քաշի։
Փորձագետը նաև նշել է լյարդի վրա բժշկական դեղամիջոցների վնասակար ազդեցությունը, ավելի ճիշտ՝ դրանց անվերահսկելի օգտագործումը։ Պետք է զգուշություն ցուցաբերել ցավազրկողներ և հակաբակտերիալ դեղամիջոցներ օգտագործելիս: Այս դեպքում ավելի լավ է խորհրդակցել բժշկի հետ, ով կտա անհրաժեշտ առաջարկությունները:
Ռոմանենկոն մեկ այլ վատ սովորություն է անվանել ալկոհոլի օգտագործումը։ Թունդ խմիչքները կարող են առաջացնել լյարդի բորբոքում՝ ալկոհոլային հեպատիտ։
«Հաճախ նույնիսկ կարևոր չէ, թե որքան ալկոհոլ է խմում մարդը: Ամեն ինչ կախված է անհատական հատկանիշներից: Երբեմն նույնիսկ խմելը կարող է հանգեցնել լյարդի համար բացասական հետեւանքների»,- ասաց թերապեւտը։
