2 մեդալ՝ ծանրամարտի Եվրոպայի առաջնությունում. Դավիթ Հովհաննիսյանը՝ չեմպիոն, Արա Աղանյանը՝ փոխչեմպիոն

Ծանրորդ Դավիթ Հովհաննիսյանը հռչակվել է Եվրոպայի չեմպիոն, Արա Աղանյանը՝ փոխչեմպիոն: Այս մասին տեղեկացնում է ՀՀ ԿԳՄՍՆ-ն:

Ալբանիայում ընթացող Եվրոպայի առաջնության 96 կգ քաշայինների պայքարում Հայաստանի հավաքականի անդամ Դավիթ Հովհաննիսյանը չեմպիոն է հռչակվել երկամարտի 377 կգ արդյունքով (171+206):

Արծաթե մեդալակիր Արա Աղանյանի երկամարտի արդյունքը 375 կգ է (170+205):

Այսօր՝ ԵԱ-ի մրցումային 6-րդ օրը, Հայաստանը կունենա 3 ներկայացուցիչ:

Պայքարի մեջ են մտնում Եվրոպայի չեմպիոն Սամվել Գասպարյանը (102 կգ/ 16:00), փոխչեմպիոն Արսեն Մարտիրոսյանը(109 կգ / 19:00) և 87 կգ քաշային Հռիփսիմե Խուրշուդյանը (22:00), որը 6 տարվա դադարից հետո վերադարձել է մրցահարթակ: