Պարտավորվում ենք ապահովել բարեկարգ ճանապարհներ․ փոխքաղաքապետը անդրադարձել է փոսերի մասին հարցին
Երևանի փոխքաղաքապետ Արմեն Փամբուխչյանը ֆեյսբուքյան իր էջում գրում է․
«Սիրելի երևանցիներ, վերջին շրջանում նկատվում է աճող անհանգստություն Երևանում առկա փոսերի վերաբերյալ։
Դրան անդրադառնալով՝ ցանկանում ենք նշել, որ Երևանի քաղաքապետարանը նախորդ տարվա համեմատ ավելացրել է փոսերը վերացնելու աշխատանքներին տրամադրվող բյուջեն, և արտաքին խոչընդոտ հանդիսացող եղանակային պայմանների բարելավվելուն պես նախատեսվում են դրանք վերացնելուն ուղղված լայնածավալ աշխատանքներ։
Երևան քաղաքը պարտավորվում է՝ իր պարտականությունների և լիազորությունների շրջանակում, ապահովել բարեկարգ և անխոչընդոտ ճանապարներ Երևանում։
Հայցում ենք ձեր ներողամտությունը»,- գրել է փոխքաղաքապետը։
