Տիգրան Արզաքանցյանը հարցաքննվել է

«Ուժը հայրենյաց» կուսակցության ղեկավար Տիգրան Արզաքանցյանն այսօր ՀՀ Քննչական կոմիտեում էր։ MediaHub-ի տեղեկություններով՝ վերջինս հարցաքննվել է «Լեռնային հարստություն» ՍՊԸ-ում կատարված գողության մասով։

ՀՀ ՔԿ-ի մեր աղբյուրները փոխանցեցին, որ Արզաքանցյանը ներկայացրել է բոլոր կասկածները, անուններ է նշել։ 

Արզաքանցյանը նշել է, որ գողություն կատարողը հանքարդյունաբերական ոլորտի հետ կապ ունեցող է, քանի որ գողոնը եղել է տեխնիկա, տարբեր տեսակի շարժիչներ։ 

Վնասի չափը դեռ հստակ չէ, դեռ հաշվարկներ են իրականացվում։ Նախնական տեղեկություններով՝ վնասի չափը չի հասնում 100 մլն դոլարի։ 

Գործիչը քննիչներից խնդրել է պարզել դեպքի բոլոր հանգամանքները։ 

Հիշեցնենք, որ հոկտեմբերին հայտնի դարձավ, որ թալանել են «Ուժը հայրենյաց» կուսակցության նախագահ Տիգրան Արզաքանցյանին պատկանող գործարանը։  «Լեռնային հարստություն» ՍՊԸ-ի պատասխանատուն էր ահազանգել Ոստիկանություն։ Այդ ընթացքում Արզաքանցյանը ՀՀ-ում չի եղել։

Լիաննա Թորոսյան