Իսրայելը մայիսի 20-ից կչեղարկի պարտադիր ՊՇՌ-թեստավորումն օդանավակայանում
Իսրայել ժամանող ճանապարհորդները մայիսի 20-ից ի վեր այլեւս ստիպված չեն լինի կորոնավիրուսի պարտադիր թեստավորում անցնել օդանավակայանում, հաղորդում է The Times of Israel-ը՝ հղում անելով երկրի առողջապահության նախարարությանը:
Երկրի առողջապահության նախարարն ընդգծել է, որ համակարգը տեղում կմնա, եւ «հնարավոր կլինի արագորեն վերականգնել դրա աշխատանքը, երբ հարկավոր լինի»:
Որպես թեստավորման պահանջի չեղարկման պատճառ առողջապահության նախարարությունը նշել է հիվանդացության դեպքերի մշտական նվազումը:
Գործող կանոնների համաձայն՝ յուրաքանչյուր ոք, ով ժամանում է Բեն-Գուրիոն օդանավակայան, պետք է արյան հետազոտություն անցնի, որի համար ուղեւորներն իրենք են վճարում:
Թեստավորումից հետո նրանք 24 կարանտին պետք է պահպանեն կամ մինչեւ թեստի պատասխանը ստանալը:
