Ռուսաստանի նախագահական ընտրություններում ՀԱՊԿ դիտորդական առաքելության կազմում Հայաստանի ներկայացուցիչներ չկան
Ռուսաստանի նախագահական ընտրություններում ՀԱՊԿ Խորհրդարանական վեհաժողովի (ԽՎ) դիտորդական առաքելության կազմում Հայաստանի ներկայացուցիչներ չկան։ Այս մասին լրագրողներին ասել է առաքելության ներկայացուցիչը, գրել է ՏԱՍՍ-ը։
«Ոչ, ցավոք, ոչ»,- ասել է նա։
Ավելի վաղ վարչապետ Նիկոլ Փաշինյանը հայտարարել էր, որ Երևանը դուրս կգա ՀԱՊԿ-ից, եթե այս կառույցը չկատարի իր պարտավորությունները և չճանաչի իր պատասխանատվության գոտին։ ՌԴ ԱԳՆ պաշտոնական ներկայացուցիչ Մարիա Զախարովան, արձագանքելով այս հայտարարությանը, ասել էր, որ Մոսկվան անհանգստացած է ՀԱՊԿ-ի նկատմամբ Հայաստանի ղեկավարության հայտարարություններով։
