Ոչ մի իշխանության օրոք ՀՀ-ի և Արցախի միջև նման վատ հարաբերություններ չեն եղել․ Ղուլյան
Վերադարձ անպայման պետք է լինի, և դա պետք է լինի ծրագրի տեսքով։ Այդ մասին այսօր «Հայկական օրակարգի» քննարկման ժամանակ ասաց Արցախի ԱԺ նախկին նախագահ Աշոտ Ղուլյանը։
Նրա խոսքով՝ վերադարձը ոչ թե երազանք պետք է լինի, այլ՝ նպատակ, իսկ դա իրագործելու համար պետք է լինեն Արցախի պետական մարմինները։
«Հետո շատ դժվար է լինելու այդ վերադառնալու իրավունքի հետ կապված մարդկանց իրավական կարգավիճակի հարցը նորից փոխել»,- նշեց նա։
Ըստ նրա՝ այս իշխանությունն արցախցիների հետ կապված որոշումները հապճեպ է ընդունում, և հենց դրա հետևանքով հազարավոր մարդիկ այսօր չգիտեն՝ ինչ անել, ում դիմել։
«Մարդիկ չգիտեն՝ ում դիմեն, որ իրենց խախտված իրավունքները վերականգնեն»,- նշեց նա։
Արցախցի պաշտոնյայի դիտարկմամբ՝ միայն պետական միջոցներով արցախցիների խնդիրների լուծումն անհնար է գտնել։
«Եվ ես շնորհակալ եմ, որ հանրային մակարդակում նման մոբիլիզացիա եղավ։ Եթե դա չլիներ, կարծում եմ, միայն պետական մակարդակով հնարավոր չէր լինի խնդիրներին լուծում տալ»,- շեշտեց նա։
Ղուլյանը նկատեց նաև, որ Հայաստանի ու Արցախի իշխանությունների միջև նման վատ հարաբերություններ երբևէ չէր եղել, և ոչ մի իշխանության օրոք։
«Եվ դա շատ վատ է»,- շեշտեց նա։
Մանրամասները՝ տեսանյութում։
