Հռոմի պապը մեկնաբանել է քաղցկեղի մասին լուրը

Հռոմի պապ Ֆրանցիսկոսը հերքել է տեղեկությունն այն մասին, որ մտադիր է մոտ ապագայում հեռանալ պաշտոնից. հայտնում է Reuters-ը։

Նա նաև հերքել է քաղցկեղի մասին լուրերը՝ կատակելով, որ բժիշկները իրեն այդ մասին ոչինչ չեն ասել: Բացի այդ, պոնտիֆիկոսն առաջին անգամ մանրամասներ են հայտնել ծնկի վիճակի մասին, որը խանգարում է իրեն կատարելու որոշ պարտականություններ։

Լրատվամիջոցներում լուրեր էին տարածվել, որ օգոստոսի վերջին տեղի ունենալիք իրադարձությունների համակցությունը, այդ թվում՝ հանդիպումները աշխարհի կարդինալների հետ՝ քննարկելու Վատիկանի նոր սահմանադրությունը, ինչպես նաև Իտալիայի Լ'Աքվիլա քաղաք ծրագրված այցելությունը, կարող են ազդարարել մոտալուտ հրաժարականի մասին: Լ'Աքվիլան կապված է Հռոմի պապ Սելեստին V-ի հետ, որը 1294 թվականին թողեց պապական իշխանությունը։ Հռոմի Պապ Բենեդիկտոս 16-րդն այցելել է քաղաք 2013 թվականին թոշակի անցնելուց չորս տարի առաջ:

Բայց Ֆրանցիսկոս պապը հերքել է այս ենթադրությունները:

«Այս բոլոր զուգադիպությունները ոմանց ստիպել են մտածել, որ նույն «պատարագն» է լինելու: Բայց դա երբեք չի անցել իմ մտքով: Այս պահին ոչ», - ասել է հովվապետը:

Այնուամենայնիվ, Ֆրանցիսկոսը կրկնել է հաճախակի հայտարարված դիրքորոշումը, որ ինքը կարող է մի օր թոշակի անցնել, եթե առողջական վատ վիճակն իրեն խանգարի առաջնորդել Եկեղեցին:

Հարցին, թե երբ է կարծում, որ դա կարող է տեղի ունենալ, նա պատասխանել է. «Մենք չգիտենք: Միայն Աստված գիտե»: