Արմեն Աշոտյանին մեղադրանք է առաջադրվել քրեական օրենսգրքի երկու հոդվածով
ՀՀԿ փոխնախագահ Արմեն Աշոտյանին Քննչական կոմիտեն մեղադրանք է առաջադրել քրեական օրենսգրքի երկու՝ «պաշտոնական դիրքի չարաշահում, որն առաջացրել է ծանր հետևանքներ» և «փողերի լվացում» հոդվածներով։
Այս մասին հայտնում է նրա փաստաբան Տիգրան Աթանեսյանը։
Արմեն Աշոտյանն ունի մեղադրյալի կարգավիճակ, խափանման միջոց է ընտրվել երկրից չբացակայելը։
Հիշեցնենք՝ այսօր արգելել են Արմեն Աշոտյանին երկրից դուրս գալ և մեկնել Լիսաբոն՝ ԵԺԿ Քաղաքական համաժողովին մասնակցելու՝ քաղաքական դրդապատճառներով։
