Փորձագետը նշել է երկարակեցության 3 հիմնական բաղադրիչները
Շատերը փորձում են բացահայտել երկարակյաց մարդկանց գաղտնիքը, բայց իրականում գաղտնիքներ չկան, ասում է Սինգապուրում գործող սննդային հավելումների հետազոտող Անդրեա Մայերը։
Ըստ մասնագետի՝ երկար ապրելու համար կարեւոր է պահպանել ընդամենը 3 կանոն. Առաջինը՝ ճիշտ սնունդը, երկրորդը՝ չափավոր, բայց կանոնավոր ֆիզիկական ակտիվությունը, երրորդը՝ քունն ու արթնությունը։
Անդրեա Մայերը, որին մեջբերում է Business Insider-ը, մի քանի տարի ուսումնասիրում է առողջ ծերացումը։ Նա եզրակացրել է, որ մարդիկ, ովքեր ավելի երկար են ապրում, սնվում են հավասարակշռված սննդակարգով և երբեք չեն չափից շատ ուտում:
Դիետայի հիմքը հատիկաընդեղենը, հացահատիկը, բանջարեղենը, խոտաբույսերը, մրգերն ու սերմերը են։ Ինչ վերաբերում է ֆիզիկական ակտիվությանը, ապա այն օգնում է օրգանիզմում տարբեր քիմիական ռեակցիաներ առաջացնել: Այդ ժամանակ բջիջներն ավելի լավ են նորանում, և նյութափոխանակությունն արագանում է։
Պարտադիր չէ ձեզ հյուծել հոգնեցնող մարզումներով, բավական է միայն ամեն օր գոնե մարմնամարզությամբ զբաղվել։ Պետք է լավացնել նաեւ քունը, ընդգծել է մասնագետը։ Ավելի լավ է քնել և արթնանալ միաժամանակ, իսկ գիշերային հանգիստը պետք է տևի 7-9 ժամ:
