Բախվել են «Mercedes»-ը, «Mercedes Sprinter»-ը, 2 «Ford Transit», «Nissan»-ը, «Toyota»-ն ու «Renault»-ը. 7 վիրավnր կա
Այսօր՝ մայիսի 23-ին, խոշոր ու շղթայական ավտովթար է տեղի ունեցել Կոտայքի մարզում: Ժամը 17:00-ի սահմաններում Երևան-Աշտարակ ավտոճանապարհի Պռոշյան գյուղի վարչական տարածքում բախվել են «Mercedes»-ը, «Mercedes Sprinter»-ը, 2 «Ford Transit», «Nissan»-ը, «Toyota»-ն ու «Renault» մակնիշի բեռնատարը:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 7 հոգի, այդ թվում՝ անչափահասներ, տարբեր աստիճանի մարմնական վնասվածքնեորվ տեղափոխվել են երևանի «Արմենիա» բժշկական կենտրոն:
Վիրավորներին առաջինը օգնության են հասել քաղաքացիները, օպերատիվորեն ժամանած ՀՀ Ներքին գործերի նախարարության Փրկարար ծառայության Երևան թիվ 7 հրշեջ-փրկարարական ջոկատի փրկարարները և օպերատիվորեն ժամանած Երևանի 1-03 շտապօգնության թիվ 21 բժիշկների բրիգադը:
Բժիշկները նախ տեղում առաջին բուժօգնությունն են ցուցաբերել վիրավորներին, ապա տեղափոխել հիվանդանոց:
Շտապօգնության բժիշկները 2 անգամ են ժամանել նշված վայր, վիրավորներին տեղափոխել, ապա հետ վերադարձել:
Վիրավորներից երկուսին իրենց ծառայողական ավտոմեքենայով հիվանդանոց են տեղափոխել ՀՀ ներքին գործերի նախարարության ոստիկանության Պարեկային ծառայության Կոտայքի մարզի գումարտակի 2-րդ վաշտի 2-րդ դասակի պարեկները:
Նրանք նույնպես վիրավորներին մինչև հիվանդանոց տեղափոխելը տեղում առաջին բուժօգնությունն են ցուցաբերել՝ օգտագործելով իրենց ավտոմեքենաներում պահվող դեղատուփի մեջ գտնվող անհրաժեշտ պարագաներ:
Վիրավորներից երկուսին ավտոմեքենաներից դուրս են բերել փրկարարները՝ օգտագործելով հատուկ տեխնիկա, այնուհետև հոսանքազրկել են ավտոմեքենաները, փակել մի քանիսի գազաբալոններն ու նրանք նույնպես տեղում իրականացնում են հերթապահություն:
