Ռոմանոս Պետրոսյանը՝ ՊԵԿ նախագահ նշանակվելու մասին
Տեւական ժամանակ է մամուլում շրջանառվում են Պետական եկամուտների կոմիտեի նախագահ Ռուստամ Բադասյանի հնարավոր պաշտոնանկության մասին լուրերը։
Թեպետ կառույցի լրատվական ծառայությունից հերքում են դրանք, բայց MediaHub-ի իշխանամերձ աղբյուրներն ասում են՝ Բադասյանի պաշտոնանկությունն անխուսափելի է։
Ավելին՝ պնդում են, որ Փաշինյանը պատրաստվում է ՊԵԿ նոր նախագահի պաշտոնում նշանակել Պետական վերահսկողության ծառայության պետ Ռոմանոս Պետրոսյանին։
Տեղեկությունը MediaHub-ը ճշտեց հենց ՊՎԾ պետ Ռոմանոս Պետրոսյանից։ Վերջինս մեզ հետ զրույցում ասաց, որ նման առաջարկ չի եղել։
«Այդ մասով որեւէ քննարկում չի եղել, բացարձակ չեմ կարող ասել՝ որտեղի՞ց մամուլում նման տեղեկատվություն»,- նշեց նա։
Լիա Սարգսյան
