Միկա Բադալյանը գուցե կանխե՞լ է Երեւանում սպասվող ահաբեկչական ակտը․ փաստաբան
Շենգավիթ վարչական շրջանի ընդահանուր իրավասության դատարանում բլոգեր Միկա Բադալյանի գործով դատական նիստն այսօր հետաձգվեց՝ թարգմանչի բացակայության պատճառով։
ԱԱԾ-ն Բադալյանին մեղադրում է ահաբեկչության մասին կեղծ տեղեկություններ հայտնելու մեջ։ Ըստ Ազգային անվտանգության ծառայության՝ 2022թ․-ին իր տելեգրամյան էջում տվել է առերեւույթ սուտ հաղորդում՝ չունենալով նախապատրաստվող ահաբեկչության վերաբերյալ տվյալներ։ Այս հիմքով անցած տարվա մայիսին Բադալյանը կալանավորվեց, ապա 6 միլիոն գրավի դիմաց ազատ արձակվեց։
Բադալյանի փաստաբան Էրիկ Ալեքսյանյանը MediaHub-ի հետ զրույցում շեշտում է.
«Իսկ ով ասաց, որ ահաբեկչության մասին հաղորդումը կեղծ է եղել, գուցե Բադալյանի այդ տեղեկությունից հետո հնարավոր ահաբեկչությունը կանխվել է»,- նշեց նա։
«Ի սկզբանե քրեական գործի հարուցման որոշումն է եղել ապօրինի։ Բադալյանը չի կատարել այն արարքը, որը նրան վերագրվում է։ Քրեական գործն ունի խնդիր՝ ապացույցների թույլատրելիության հետ կապված։ Մինչդատական վարույթում այդ խնդիրը բազմիցս բարձրաձայնել եմ»,-ասաց Ալեքսանյանը։
Փաստաբանը կասկած չունի՝ Բադալյանն արդարացվելու է, քանի որ, ըստ նրա, մեղադրանքն իր մեջ իրավական որևէ հենք չի պարունակում։
«Հաջորդ նիստը նշանակվել է ապրիլի 20-ին։ Այդ ժամանակ մենք կհասցնենք հետազոտել քրեական գործի ողջ նյութերը եւ անցնել եզրափակիչ փուլ, այդ դատական նիստով էլ, ըստ երեւույթին, կավարտենք ողջ դատաքննությունը»,-հավելեց նա։
Մանրամասն՝ տեսանյութում:
