Ասպիրինը և իբուպրոֆենը կարող են տղամարդկանց համար վտանգավոր լինել․ ահա թե ինչու

Բժիշկ Դոնալդ Գրանտը զգուշացրել է տղամարդկանց ասպիրինի և իբուպրոֆենի՝ լայնորեն օգտագործվող ոչ ստերոիդային հակաբորբոքային դեղամիջոցների ընդունման հնարավոր վատ հետևանքների մասին, գրել են ԶԼՄ-ները։

Այս դեղերը, թեև մատչելի են, կարող են առաջացնել կողմնակի բարդություններ, այդ թվում՝ էրեկտիլ դիսֆունկցիա։ Հիմնական ռիսկն ստամոքս-աղիքային արյունահոսության բարձրացումն է, հատկապես տարեց բուժառուների մոտ:

Ամեն տարի ԱՄՆ-ում օգտագործվում է իբուպրոֆենի 30 միլիարդ չափաբաժին, և յուրաքանչյուր յոթ մարդուց մեկը գերազանցում է օրական 600 մգ անվտանգ չափաբաժինը: Մեծ Բրիտանիայում դեղամիջոցի վրա ծախսվում է 4,9 միլիոն ֆունտ ստերլինգ:

Թեև ապացուցված է, որ ոչ ստերոիդային հակաբորբոքային դեղամիջոցներն օգտակար են ցավի և բորբոքման դեպքում, Գրանտը խորհուրդ է տալիս որևէ դեղամիջոց ընդունելուց առաջ խորհրդակցել ձեր բժշկի հետ՝ առողջության համար անցանկալի հետևանքներից խուսափելու համար:

Հարկ է նաև հաշվի առնել, որ այս ուսումնասիրությունները կարող են թերի լինել, քանի որ դրանք չեն ներառում սրտի հիվանդություն ունեցողներին, որոնց համար ասպիրինը կարող է անհրաժեշտ լինել:

Կարևոր է զգույշ լինել ցավազրկողներ օգտագործելիս առողջական խնդիրները կանխելու և օրգանիզմին չվնասելու համար։