Բժիշկն ասել է, թե հնարավո՞ր է նվազեցնել ջերմաստիճանը պաղպաղակով
Պաղպաղակը չի օգնի իջեցնել բարձր ջերմաստիճանը, երբ մրսածություն ունեք, ասել է քիթ-կոկորդ-ականջաբան Իլյա Սադիկովը։
Նա Գազետա.Ru-ի հետ զրույցում գնահատել է բուժման ժողովրդական մեթոդի արդյունավետությունը։
Սադիկովի խոսքերով՝ բարձր ջերմաստիճանը նվազեցնելու համար պաղպաղակ ուտելն անօգուտ է, այս խնդիրը լուծելու շատ ավելի լավ միջոց է սառը ջրով քսելն ու սառեցնող կոմպրեսներ կիրառել այն հատվածներում, որտեղով անցնում են մեծ անոթները:
«Բայց կարևոր է նկատի ունենալ, որ բարձր ջերմաստիճանում ինքնաբուժումը չափազանց վտանգավոր է, ուստի պետք է անպայման դիմել բժշկի»,- զգուշացրել է Սադիկովը։
«Միայն մասնագետը կարող է պարզել ջերմաստիճանի բարձրացման ստույգ պատճառը և տալ համապատասխան առաջարկություններ»,- պարզաբանել է մասնագետը։ Նա նաեւ նշել է, որ շոգին հաճախ ախորժակը նվազում է, եւ քչերն են ուզում ուտել։ Բարձր ջերմաստիճանի դեպքում ավելի կարևոր է պահպանել ջրի հավասարակշռությունը և խմել բավականաչափ հեղուկ։
