Էրդողանն օգտագործում է Պուտինի հետ հանդիպումը եւ Ուկրաինայից ցորենի դուրսբերումն ընտրություններից առաջ. Euractiv

Էրդողանն օգտագործում է Պուտինի հետ հանդիպումը եւ Ուկրաինայից ցորենի դուրսբերումն ընտրություններից առաջ. Euractiv

Թուրքիայի նախագահ Ռեջեփ Թայիփ Էրդողանը պետության ղեկավարի ընտրությունների նախօրեին, որոնք տեղի են ունենալու հաջորդ տարի, շեշտադրում է միջազգային ասպարեզում իր դիվանագիտական հաղթանակների շարքը գրել է Euractiv-ը։

Պարբերականի մեկնաբանների կարծիքով՝ Թուրքիայի նախագահը փորձում է շեղել ընտրողներին լուրջ տնտեսական խնդիրներից՝ կենտրոնանալով արտաքին քաղաքականությունում ունեցած ձեռքբերումների վրա։

Ինչպես նշվել է, Էրդողանն ուշադրությունը սեւեռում է Ռուսաստանի նախագահ Վլադիմիր Պուտինի հետ Սոչիում օգոստոսի սկզբին տեղի ունեցած բանակցությունների, ինչպես նաեւ ուկրաինական ցորենի արտահանման հաջող վերսկսման վրա։

«Թուրքիան ամենաուժեղ քաղաքական, ռազմական եւ դիվանագիտական շրջան է ապրում»,- ասել է նա Ռուսաստանից վերադառնալուց հետո։

Ընդ որում՝ Euractiv-ը նշել է, որ Էրդողանի առաջընթացը համաշխարհային ասպարեզում խիստ հակասում է Թուրքիայի ներսում մռայլ տնտեսական վիճակին, այդ թվում մինչեւ 79 տոկոս գնաճի եւ լիրայի փոխարժեքի ռեկորդային անկման ֆոնին։ Պարբերականի վարկածով՝ այս խնդիրներն ակտիվորեն օգտագործում են պետության ղեկավարի ընդդիմախոսները, եւ ընդհանուր առմամբ գալիք ընտրությունները կարող են ամենամեծ փորձությունը դառնալ նախագահի համար, որը երկրում փաստացի կառավարում է արդեն մոտ 20 տարի։