Պատմական շանս է առաջացել Ադրբեջանի և Հայաստանի միջև խաղաղության պայմանագիր ստորագրելու համար․ Բայրամով
Ադրբեջանն ակնկալում է Հայաստանի հետ խաղաղության պայմանագրի շուտափույթ կնքում։ Ասել է Ադրբեջանի արտաքին գործերի նախարար Ջեյհուն Բայրամովը Բաքվում թուրք և վրացի գործընկերների հետ հանդիպման ժամանակ:
«Բաքուն հավատարիմ է մնում տարածաշրջանում խաղաղության վերականգնմանը: Ադրբեջանը հուսով է, որ միջազգային դերակատարները կաջակցեն ուղիղ երկկողմ բանակցություններին ազնիվ և անկողմնակալ ձևով»,- նշել է նա։
Ըստ նրա՝ «պատմական շանս» է առաջացել Ադրբեջանի և Հայաստանի միջև խաղաղության պայմանագիր ստորագրելու համար։
Հանդիպումից հետո նախարարները ստորագրել են Բաքվի հռչակագիրը։
