Տիգրան Մեծ պողոտա. ավտոբուսի անիվները թռան վրից (լուսանկարներ)
Օգտատերերն այսօր պարբերաբար տեղեկացնում են տրանսպորտի հետ կապված խնդիրների մասին:
Նախ, շատերը արձանագրում են, որ ավտոբուսները և տրոլեյբուսները երթևեկում են ամառային անվադողերով ու քաղաքապետարանի պարզաբանումը ամենևին էլ չի փարատում քաղաքացիների մտահոգությունները:
Առավոտյան Իսակովի պողոտայում ձի էր, ըստ ամենայնի, վրաերթի ենթարկվել, թեև ՆԳՆ-ից չեն շտապում կատարվածը որակել վրաերթ:
Եվ ահա քիչ առաջ օգտատերերից մեկը լուսանկարներ է հրապարակել ու գրել հերթական միջադեպի մասին.
"Հենց նոր Տիգրան Մեծ պողոտա. ավտոբուսի անիվները թռան վրից":
Ձմեռը, ինչպես ասում են, անսպասելի եկավ.....
Թարմացում.
Երևանի քաղաքապետի խոսնակ Հայկ Կոստանյանը MediaHub-ին հայտնեց, որ Տիգրան Մեծի պողոտայում ավտոբուսի անվադողերի հետ կապված խնդրի հետևանքով, բարեբախտաբար, տուժածներ չկան:
