Երևանում կարգելվի առավելագույնը 2.5 տ․ բեռնվածության զանգված ունեցող բեռնատարների երթևեկությունը
Երևանի քաղաքապետարանից հայտնում են՝ Երևանի կենտրոնի բեռնաթափմանն ուղղված համալիր ծրագրի շրջանակում նոյեմբերի 13-ից Խանջյանից մինչև Սարյան և Գրիգոր Լուսավորչից մինչև Կորյուն հատվածներում, որը ներառում է շուրջ 40 փողոց և պողոտա, կարգելվի երթևեկությունը՝ առավելագույն զանգվածը 2.5 տոննա բեռնատարների համար:
Սահմանափակումները կգործեն առավոտյան 07:00-ից մինչև 21:00-ն:
Տուգանքներից խուսափելու համար, հորդորում ենք հետևել ճանապարհային նշաններին:
