ՌԴ-ում ամուսիններին պատրաստվում են ստիպել հաշտվել նախքան ամուսնալուծությունը. օրինագիծ է մշակվում
Ռուսաստանում ամուսիններին պատրաստվում են ստիպել հաշտվել նախքան ամուսնալուծությունը:
Ռուսաստանի Դաշնության արդարադատության նախարարությունը օրինագիծ է մշակում, ըստ որի` ամուսինները պետք է հաշտության ընթացակարգ անցնեն ամուսնալուծության ժամանակ, գրում է Коммерсантъ-ը։
Փաստաթուղթը ստեղծվում է ընտանիքի պաշտպանության ոլորտում պետական քաղաքականության շրջանակներում։
Նախաձեռնության համաձայն՝ հաշտության ընթացքում ամուսինները կկարողանան համաձայնության գալ երեխաների ապագա բնակության վայրի, ունեցվածքի բաժանման և ալիմենտի գանձման վերաբերյալ։ Օրինագիծը մշակվում է գիտական հանրության մասնակցությամբ:
